КРнын ББжИМнин 12 жылдык билим берүү системасына өтүү боюнча бекитилген концепциясына ылайык 2025-жылдын 22-апрелинде Касым Тыныстанов атындагы ЫМУда «12 жылдык билим берүүгө бирге кадам!» аттуу тегерек стол өткөрүлдү. Тегерек столду мектепке чейинки жана башталгыч билим берүү кафедрасынын жана ЫМУнун колледжинин жалпы гуманитардык жана педагогикалык дисциплиналар ПЦКсынын профессордук-окутуучулар курамы уюштуруп, иш- чарага Областтык билим берүү институтунун усулчусу, улуттук тренер, эксперт Ж.Б.Урумов, мектеп директорлору, завучтар, методисттер, башталгыч класстын мугалимдери, «Башталгыч билим берүүнүн педагогикасы жана методикасы» адистигинин бүтүрүүчүлөрү катышышты. Тегерек столдо КРнын ББжИМ 12 жылдык билим берүүдө «Алтын казык» программасын ишке ашыруу кадамдары, артыкчылыктары, заманбап окутуу технологиялары, дуалдык окутуу мүмкүнчүлүктөрү тууралуу маңыздуу билдирүүлөр жасалды(улуттук тренерлер: Ж.Урумов, М.Курманалиев, Н.Шарапова, окутуучу Р. Апыкеева). Тегерек столдо 12 жылдык билим берүүгө өтүү зарылчылыгына карата негиздүү ой-пикирлер, дүйнөлүк стандартка ылайык кадам жасоо иш-аракеттери, келечек муундун жашоо-турмушка жана чет мамлекетте окуп, иштөөгө тез ылайыкташуунун бирден-бир жолу практикага, креативдүүлүккө жана изилдөөгө негизделген 12 жылдык билим берүү экендигине басым жасалды.
Тегерек столдун негизги максаты — коомчулукка (мугалимдерге, ата-энелерге, студенттерге, окуучуларга ж.б.) 12 жылдык билим берүүгө өтүү зарылчылыгын жайылтуу болуп, ал максат катышуучулар тарабынан толук колдоого алынды.