2026-жылдын 20-февралында English Week жумалыгынын салтанаттуу жабылыш аземи болуп өттү. Бул иш-чара абдан кызыктуу жана шаңдуу маанайда уюштурулуп, студенттер үчүн унутулгус күндөрдүн бири болду. Тайпалар өз өнөрлөрүн көрсөтүшүп, сахнада англис тилинде ырларды ырдап, бийлеп, көркөм номерлерди тартуулашты.
Мындан тышкары, кызыктуу оюндар жана таймаштар өткөрүлүп, катышуучулар активдүү катышып, өз билимдерин жана тапкычтыгын көрсөтүштү. Айрыкча тил боюнча оюндар студенттерге англис тилин кызыктуу жол менен практика кылууга чоң мүмкүнчүлүк берди. Иш-чаранын жүрүшүндө эң активдүү катышкан студенттерге жана өзгөчө айырмаланган топторго грамота тапшырылды.
Жалпысынан жабылыш аземи достук, ынтымак жана майрамдык атмосферада өтүп, бардык катышуучуларга жакшы маанай тартуулады. English Week жумалыгы студенттер үчүн пайдалуу тажрыйба болуп, алардын тилге болгон кызыгуусун дагы да арттырды.